Knattspyrnumaðurinn Árni Vilhjálmsson hefur gert samning við ítalska C-deildarliðið Novara og mun formlega ganga í raðir þess eftir áramót.
Staðarmiðilinn La voce Novara e laghi greinir frá í dag. Er nýr stjórnarformaður að taka við hjá félaginu og er Árni fyrsti leikmaðurinn sem ný stjórn fær til félagsins.
Árni hefur verið án félags síðan hann yfirgaf Zalgiris í Litháen í ágúst. Verður Novara áttunda erlenda félagið sem Árni leikur fyrir og það fyrsta á Ítalíu.
Mikið hefur gengið á hjá Novara á undanförnum árum. Liðið var í efstu deild tímabilið 2011/12 en féll alla leið niður í D-deild, áður en það fór aftur upp í C-deildina á síðustu leiktíð.
Liðið er sem stendur neðst í A-riðli í D-deildinni með tólf stig eftir átján leiki.