Liverpool mætir tékkneska liðinu Sparta Prag í 16-liða úrslitum Evrópudeildarinnar í knattspyrnu karla. Dregið var í höfuðstöðvum Knattspyrnusambands Evrópu, UEFA, í Nyon í Sviss í morgun.
Fyrri leikurinn fer fram í Prag þann 7. mars og síðari leikurinn í Liverpool viku síðar.
Tvö ensk lið til viðbótar voru hluti af drættinum.
Brighton & Hove Albion mætir ítalska liðinu Roma og West Ham United mætir þýska liðinu Freiburg.
Drátturinn í heild sinni:
Sparta Prag – Liverpool
Marseille – Villarreal
AS Roma – Brighton
Benfica – Rangers
Freiburg – West Ham
Sporting Lissabon – Atalanta
AC Milan – Slavia Prag
Qarabag – Bayer Leverkusen