Kanadíska knattspyrnufélagið Toronto FC hefur gert tveggja ára samning við enska miðjumanninn Matty Longstaff. Hann kemur til Toronto frá uppeldisfélaginu Newcastle.
Longstaff hefur ekki spilað keppnisleik í tvö ár, eða síðan hann varð fyrir því óláni að slíta krossband í hné árið 2022.
Hann lék sinn fyrsta leik með Newcastle árið 2019 þegar hann var aðeins 18 ára gamall.
Hann lék 20 leiki með Newcastle í öllum keppnum og skoraði eitt mark, sigurmark gegn Manchester United í október árið 2019.