Ronaldo í bann fyrir dónaskap
Setja bókamerki
Portúgalski knattspyrnumaðurinn Cristiano Ronaldo hefur verið úrskurðaður í eins leiks bann í efstu deild Sádi-Arabíu fyrir óviðeigandi framkomu eftir leik með liði sínu Al-Nassr gegn Al-Shabab um síðustu helgi.
Eftir leikinn hrópuðu stuðningsmenn Al-Shabab hástöfum „Messi!“ og vísuðu þar til Argentínumannsins Lionels Messis, sem er jafnan sá sem er borinn saman við Ronaldo þegar rætt er um tvo bestu leikmenn síðustu tveggja áratuga og í knattspyrnusögunni.
Ronaldo brást við þessum hrópum stuðningsmanna Al-Shabab með ímynduðum strokum í grennd við klof sitt og hóf Knattspyrnusamband Sádi-Arabíu rannsókn á atvikinu.
Hefur hann nú verið úrskurðaður í eins leiks bann. Ronaldo þarf einnig að greiða sambandinu 10.000 ríal, sem jafngildir rúmlega 376.000 íslenskum krónum.
Einnig þarf hann að greiða Al-Shabab 20.000 ríal, um 753.000 íslenskar krónur.
/frimg/1/51/98/1519807.jpg)
Ekki dæmigerð dönsk kona
„Afar skemmtilegt verkefni“
Tveir skjálftar í Bárðarbungu
Skýrsla um Hvassahraun „vonbrigði“
Skrifar um ást og sorg í lífi Jónasar
„Viljum ekki að þjónustan sé svona“
Ævisaga Geirs H. Haarde að koma út
„Við erum bara ekki nógu mörg“