Lögreglan í Madríd á Spáni gerði húsleit í höfuðstöðvum Knattspyrnusambands Spánar og íbúð í eigu fyrrverandi forseta þess, Luis Rubiales, í gær vegna rannsóknar á meintri spillingu.

Fréttaveitan Reuters greinir frá því að sjö hafi verið handteknir, fimm í Madríd og tveir í Granada, en nöfn þeirra hafa ekki verið gefin upp.

Rannsóknin snýr að meintri spillingu í tengslum við ákvörðun spænska sambandsins að færa meistarakeppni Spánar til Sádi-Arabíu.

Spænskur dómstóll hefur frá því í júní árið 2022 rannsakað hvort Rubiales hafi framið glæp er hann gerði samning við Kosmos, fyrirtæki fyrrverandi knattspyrnumannsins Gerard Pique, um að færa keppnina frá Spáni til Sádi-Arabíu.

Í yfirlýsingu frá spænska sambandinu segir að allir hjá því hafi þungar áhyggjur vegna húsleitarinnar í höfuðstöðvunum og þá er fullu samstarfi við lögregluna heitið.

Tengdar fréttir

Rubiales í vanda

Koss án „þöguls samþykkis“ kynferðisofbeldi

• Er það vegna þess að ég er karlmaður?
• Rubiales mætir fyrir rétt
• Bar vitni gegn fyrrverandi forsetanum
• Forsetinn fyrrverandi í þriggja ára bann

» Fleiri tengdar fréttir

• Blogga um frétt