Kolbeinn ákærður fyrir kynferðisbrot gegn barnungri stúlku
Setja bókamerki
Kolbeinn Sigþórsson, fyrrverandi landsliðsmaður í fótbolta, hefur verið ákærður fyrir alvarlegt brot gegn barnungri stúlku. Kolbeinn neitar sök.
RÚV greinir frá.
Héraðssaksóknari gaf út ákæru á hendur Kolbeini í janúar að því er fram kemur í umfjöllun RÚV. Er brotið sagt hafa átt sér stað í lok júní 2022.
Í ákæru segir saksóknari að Kolbeinn hafi nýtt sér yfirburði sína gegn stúlkunni.
Málið var til rannsóknar hjá lögreglu sem sendi það til héraðssaksóknara. Var það þingfest í lok janúar í Héraðsdómi Reykjaness.
Að því er fram kemur í umfjöllun RÚV krefst móðir stúlkunnar þess að Kolbeinn verði dæmdur til að greiða dóttur hennar þrjár milljónir í miskabætur. Verjandi Kolbeins vildi ekki tjá sig þegar RÚV leitaði eftir því.
Tvær konur stigu fram fyrir þremur árum og sökuðu Kolbein um ofbeldi á skemmtistaðnum B5 árið 2017. Kolbeinn neitaði sök en greiddi konunum samtals þrjár milljónir og greiddi Stígamótum þrjár milljónir. Í kjölfarið drógu þær kæru sína til baka.
Bjarni afhenti Kristrúnu lyklana
Segir að verið sé að svindla á Bandaríkjunum
„Þetta er ríkisstjórn almannahagsmuna“
Hrikalegt að heyra fréttirnar
Var engin kristnitaka árið 1000?
Alvarleg netárás á Wise
Skattamál verði líklega „þeirra mesta klemma“