Juventus er ítalskur bikarmeistari eftir að hafa lagt Atalanta að velli, 1:0, í úrslitaleik á Ólympíuleikvanginum í Róm í kvöld.
Juventus vann þar með sinn 15. bikarmeistaratitil og er það ítalska lið sem hefur langoftast orðið bikarmeistari.
Í kvöld kom sigurmarkið eftir aðeins fjögurra mínútna leik.
Það skoraði Serbinn Dusan Vlahovic eftir undirbúning Andrea Cambiaso.