„Ég ríf af þér eyrun og slæ þig“

Massimiliano Allegri, knattspyrnustjóri Juventus, var ekki mjög ánægður þegar hann hitti Guido Vaciago, framkvæmdastjóra ítalska miðilsins Tuttosport, eftir að Juventus tryggði sér bikarmeistaratitilinn í gærkvöldi.

Vaciago greindi frá því að Allegri hafi látið hann heyra það þar sem stjórinn hefur verið ósáttur við skrif Tuttosport um sig.

Frétt af mbl.is

Juventus ítalskur bikarmeistari

Miðillinn hefur sagt Allegri vera á förum frá Juventus í sumar þrátt fyrir að samningur hans renni út sumarið 2025.

„Eftir leikinn sagði Allegri við mig: „Þú ert ömurlegur framkvæmdastjóri! Skrifaðu sannleikann í blaðið þitt, ekki það sem félagið segir þér“,“ sagði Vaciago og bætti því við að Allegri hafi svo haft í hótunum við sig:

„Veistu það, ég veit hvar ég finn þig. Ég veit hvar ég á að bíða eftir þér. Ég kem og ríf af þér bæði eyrun.

Ég kem og slæ þig í andlitið. Skrifaðu sannleikann í blaðinu þínu.“

• Blogga um frétt