Þrír leikmenn franska knattspyrnufélagsins Marseille lentu í miður skemmtilegri lífsreynslu í morgun þegar reynt var að ræna þá.
Franski miðillinn La Provence greinir frá því að Jean Onana, Faris Moumbagna og Bamo Meité hafi verið á leið til Marseille í bifreið eins þeirra þegar skotum var hleypt af inn í bílinn þar sem þeir sátu.
Tveimur skotum var hleypt af í bílinn auk þess sem skotið var á aðra bifreið.
Leikmennirnir þrír náðu að flýja ræningjana án þess að særast. Lögreglan í Marseille leitar nú gerendanna.