Freyr Alexandersson og lærisveinar hans í Kortrijk björguðu sér endanlega frá falli úr belgísku A-deildinni í fótbolta með sigri á Lommel í umspili um áframhaldandi veru á meðal þeirra bestu í gær.
Kortrijk vann seinni leikinn á heimavelli eftir framlengingu, 4:2, og fyrri leikinn 1:0.
Fátt benti til þess að Kortrijk ætti möguleika á að halda sér í deildinni þegar Freyr tók við stjórnartaumunum í byrjun janúar. Liðið sat á botninum með tíu stig eftir tuttugu leiki og hafði ekki unnið deildarleik í rúma þrjá mánuði.
Freyr hóf þjálfaraferil sinn á útisigri á stórliði Standard Liege og eftir það var ekki aftur snúið.
Hér að neðan má sjá fagnaðarlætin eftir leik gærdagsins.
YESSSS 🤩😍#AltijdEenKerel 🔴⚪️ pic.twitter.com/k1eXFagxpI
— KV Kortrijk (@kvkofficieel) May 26, 2024