Ein sú besta til Barcelona

Knattspyrnukonan Ewa Pajor er gengin til liðs við Barcelona en hún skrifaði undir samning sem gildir til ársins 2027.

Pajor er af mörgum talin einn besti sóknarmaður í heimi. Hún var í lykilhlutverki hjá Wolfsburg, þar sem Sveindís Jane Jónsdóttir spilar, og var markahæst í deildinni á síðasta tímabili.

Hún hefur skorað  136 mörk í 196 leikjum og hefur níu sinnum orðið bikarmeistari á þeim níu árum sem hún hefur spilað fyrir félagið, fimm sinnum orðið Þýskalandsmeistari og fjórum sinnum komist í úrslitaleikinn í Meistaradeild Evrópu en tapað þeim öllum.

Pajor var eftirsótt af mörgum stórliðum þar á meðal PSG og Manchester United.

• Blogga um frétt