Daniele De Rossi, knattspyrnustjóri Roma, hefur skrifað undir þriggja ára samning við uppeldisfélagið.
De Rossi tók við stjórnartaumunum af José Mourinho til bráðabirgða í janúar síðastliðnum en Roma tilkynnti svo í apríl að hann hefði verið ráðinn til frambúðar.
Í þeirri tilkynningu var ekki tekið fram hve langur nýi samningurinn væri en nú er það komið á hreint að De Rossi stýrir Roma, þar sem hann lék í 18 ár sem leikmaður, til sumarsins 2027.