Enska úrvalsdeildarfélagið Manchester United vill René Hake, knattspyrnustjóra Go Ahead Eagles sem Willum Þór Willumsson spilar með, í þjálfarateymi karlaliðsins.
Eagles er í hollensku úrvalsdeildinni og liðið lenti í níunda sæti í deildinni á síðasta tímabili.
Félagskiptasérfræðingurinn Fabrizio Romano greindi frá þessu í dag en Hake kom til Eagles árið 2022. Hann og Ruud van Nistelrooy, fyrrverandi knattspyrnustjóri PSV í Hollandi, eru á óskalista Erik Ten Hag, knattspyrnustjóra United.