Portúgalarnir Joao Cancelo og Joao Felix yfirgefa herbúðir spænska knattspyrnuliðið Barcelona í sumar þegar lánssamningar þeirra renna út. Bakvörðurinn Marcos Alonso er einnig á förum en hann er samningslaus.
Cancelo er á láni frá Manchester City og Felix frá Atletico Madrid en Barcelona tilkynnti um brottför þeirra í dag. Katalóníufélagið virðist þó hafa eytt tilkynningunni og Fabrizio Romano, félagskiptamógúll, segir ekki loku fyrir það skotið að leikmennirnir gangi aftur til liðs við Barca í sumar.
Marcos Alonso hinsvegar er á förum eftir að samningur hans rann út. Alonso er 34 ára gamall og lék áður fyrir Chelsea og Fiorentina en gekk til liðs við Börsunga árið 2022.