ÍR fór upp fyrir Aftureldingu þegar liðið skellti Mosfellingum, 3:0, í 11. umferð 1. deildar karla í knattspyrnu í Breiðholtinu í kvöld.
ÍR-ingar komust yfir á 59. mínútu með sjálfsmarki Aftureldingar. Bragi Karl Bjarkason bætti við öðru marki ÍR-inga á 63. mínútu og Kristján Atli Marteinsson innsiglaði sigurinn á 77. mínútu.
ÍR er nú með 16 stig í fimmta sæti en Afturelding er í sjötta sæti með 14 stig.