Franski fótboltamaðurinn Kylian Mbappé verður kynntur sem nýr leikmaður Real Madrid á þriðjudaginn á heimavelli Real Madrid, Santiago Bernabéu.
Það verða 85.000 áhorfendur á kynningunni og er því uppselt. Margir stuðningsmenn Real Madrid eru að endurselja miða á viðburðinn á hátt í 200 evrur.
Mbappé gekk til liðs við Real Madrid fyrr í sumar á frjálsri sölu eftir að samningur hans við PSG rann út.