Þriðji stóri titill Argentínu í röð
Setja bókamerki
Argentína er Ameríkubikarmeistari í 16. sinn eftir sigur á Kólumbíu, 1:0, í kjölfar framlengingar í úrslitaleiknum í Miami í nótt.
Sigurmark Argentínu skoraði varamaðurinn Lautaro Martínez á 112. mínútu.
Argentínumenn vörðu þar með Ameríkubikar sinn frá árinu 2021. Þar á milli vann liðið einnig heimsmeistaramótið árið 2022.
Leikurinn átti að fara af stað á miðnætti en honum var frestað um 80 mínútur vegna mikils rugls fyrir utan völlinn. Stuðningsmenn án miða voru út um allt og mikill troðningur á staðnum.
Kólumbía var betri í fyrri hálfleik og skapaði sér góð færi en fór illa með þau.
Stjarnan og fyrirliðinn Lionel Messi þurfti að fara af velli um miðjan síðari hálfleikinn.
Liðunum tókst ekki að skora í venjulegum leiktíma og þurfti því framlengingu til að útkljá málin.
Sigurmarkið var glæsilegt en þá vann Leandro Paredes boltann á miðjunni, gaf snilldarsendingu á Giovani Lo Celso sem framlengdi honum á Lautaro Martínez sem smellti boltanum í netið, 1:0. Allir þrír voru varamenn.
Ángel Di María spilaði þá sinn síðasta landsleik fyrir Argentínu eftir glæstan feril með landsliðinu.
Skúli sýknaður en 780 milljóna greiðslum rift
Endurskoða starfsleyfi bálstofu kirkjugarðanna
Taka þarf ákvarðanir um framtíð Grindavíkurbæjar
Erfiðara mun reynast að verja Svartsengi
Bindur vonir við að koma fjárlögunum í gegn
„Tómthússkattur“ bitnar einnig á landsbyggðarfólki
Víðir gerir upp mistök frá covid-tímanum