Belgíska knattspyrnusambandið hefur ákveðið að halda leik Belgíu og Ísrael í Þjóðadeild Evrópu í knattspyrnu karla utan landsins vegna öryggisógna og möguleika á mótmælum.
Fyrir mánuði neituðu borgaryfirvöld í Brussel að halda leikinn á King Baudouin-leikvanginum í höfuðborginni þar sem það gæti kveikt í mótmælum.
Nú hafa aðrar borgir í Belgíu einnig neitað að halda leikinn á meðan að stríðið í Gasa er í fullum gangi vegna sömu ástæðna.
Leikurinn á að fara fram 6. september og gæti hann samkvæmt AFP-fréttaveitunni verið haldinn í Búdapest, en þar fór fram umspilsleikur Íslands gegn Ísrael síðastliðinn mars.