Hver tekur við af Southgate?

Gareth Southgate hætti sem þjálfari enska landsliðsins í morgun og enskir miðlar eru strax farnir að koma með hugmyndir um hver tekur við.

 Eddie Howe, núverandi knattspyrnustjóri Newcastle í ensku úrvalsdeildinni, er á blaði ásamt Graham Potter, fyrrverandi knattspyrnustjóra Chelsea og Mauricio Pochettino sem er einnig fyrrverandi knattspyrnustjóri Chelsea.

Frétt af mbl.is

Gareth Southgate segir starfi sínu lausu

Lee Carsley sem þjálfar enska U21 landslið Englands er einnig á lista Sky Sports en enska knattspyrnusambandið hefur ekkert gefið út.

Southgate kom Englandi tvisvar í úrslitaleik á Evrópumóti, í undanúrslit og átta liða úrslit á HM og vann 61 af þeim 102 leikjum sem hann stýrði Englandi í.

Frétt af mbl.is

Viðbrögð Englendinga við ákvörðun Southgates

• Blogga um frétt