Enski knattspyrnumaðurinn Mason Greenwood hefur samþykkt að ganga í raðir franska félagsins Marseille frá Manchester United, þrátt fyrir að margir stuðningsmenn félagsins vilja ekki sjá framherjann í röðum þess.
Stuðningsmenn Marseille hafa látið óánægju sína á samfélagsmiðlinum X í ljós þar sem merkingin #GreenwoodNotWelcome er áberandi, eða Greenwood er ekki velkominn.
Greenwood var að láni hjá Getafe á Spáni á síðustu leiktíð, þar sem hann er ekki inni í myndinni hjá United eftir að hann var handtekinn í byrjun árs 2022 og í kjölfarið ákærður fyrir tilraun til nauðgunar, líkamsárás og líflátshótanir í garð kærustu sinnar.
Málið var að lokum látið niður falla þegar lykilvitni dró framburð sinn til baka.