Í góðri stöðu í Svíþjóð

Öster vann botnlið Sundsvall, 2:0, í næstefstu deild Svíþjóðar í knattspyrnu karla í Växjö í dag. 

Þorri Mar Þórisson kom inn á 69. mínútu fyrir Öster. Liðið er í öðru sæti B-deildarinnar með 29 stig. 

Landsliðsmaðurinn Valgeir Lunddal Friðriksson spilaði þá allan leikinn í jafntefli Häcken gegn Värnamo, 2:2, á útivelli í dag. 

Häcken er í fjórða sæti sænsku úrvalsdeildarinnar með 24 stig, fjórtán stigum minna en Malmö á toppnum. 

• Blogga um frétt