Bosníumaðurinn Edin Dzeko átti stórleik þegar að lið hans Fenerbahce frá Tyrklandi hafði betur gegn Lugano frá Sviss, 4:3, í fyrri leik liðanna í 2. umferð undankeppni Meistaradeildarinnar í fótbolta í Sviss í dag.
Dzeko skoraði þrjú fyrstu mörk Fenerbahce en leikurinn var sá fyrsti undir stjórn José Mourinho.
Tyrkneski landsliðsmaðurinn Ferdi Kadioglu bætti við fjórða markinu á 74. mínútu en liðin mætast aftur í Tyrklandi eftir viku.