Andri Lucas Guðjohnsen lék í kvöld sinn fyrsta mótsleik með belgíska liðinu Gent þegar það vann Víking frá Götu í Færeyjum, 4:1, í fyrri leik liðanna í 2. umferð undankeppni Sambandsdeildar Evrópu í Gent.
Andri, sem var keyptur frá Lyngby í sumar, spilaði allan leikinn en kom ekki við sögu í mörkunum fjórum. Hong Hyun-Seok skoraði tvö þeirra, Sven Kums og Julien De Sart sitt markið hvor.
Víkingarnir skoruðu hins vegar fyrsta mark leiksins þegar Jorgin Nielsen kom þeim yfir strax á 13. mínútu.
Forskotið ætti að vera nóg fyrir Andra og samherja hans fyrir Færeyjaferðina.