Sænska liðið Elfsborg stendur vel að vígi í annarri umferð Evrópudeildar karla í knattspyrnu eftir góðan útisigur gegn Sheriff Tiraspol í Moldóvu í kvöld, 1:0.
Simon Hedlund skoraði sigurmarkið úr vítaspyrnu á 86. mínútu en seinni leikur liðanna fer fram í Borås næsta fimmtudag.
Andri Fannar Baldursson og Eggert Aron Guðmundsson hófu báðir leikinn á varamannabekk Elfsborg en Eggert kom til leiks á 55. mínútu og Andri á 77. mínútu.