Danska liðið FC Köbenhavn er komið með annan fótinn í þriðju umferð Sambandsdeildar karla í fótbolta eftir öruggan útisigur gegn Magpies á Gíbraltar í dag, 3:0.
Orri Steinn Óskarsson lék í 74 mínútur með FCK en kom ekki við sögu í mörkunum sem Mohamed Elyounoussi, Viktor Claesson og Victor Froholdt skoruðu.
Rúnar Alex Rúnarsson var varamarkvörður hjá FCK og kom ekki við sögu í leiknum. Liðin mætast aftur á Parken í Kaupmannahöfn næsta fimmtudag. Sigurliðið mætir Banik Ostrava frá Tékklandi eða Urartu frá Armeníu í þriðju umferð.