Knattspyrnukonan Sara Björk Gunnarsdóttir er að fara að skrifa undir hjá félagi í Sádí-Arabíu.
Samkvæmt áreiðanlegum heimildum mbl.is verður Sara tilkynnt hjá félaginu á föstudaginn ef læknisskoðun og annað gengur upp.
Hún var síðast hjá Juventus í ítölsku A-deildinni en fór þaðan þegar samningur hennar rann út í sumar.
Árni Vilhjálmsson, knattspyrnumaður og unnusti Söru, er að leita sér að félagi þar í kring en þau eiga son saman, Ragnar Frank Árnason. Árni lék með Novara í ítölsku C-deildinni síðasta vetur.