Spænska knattspyrnufélagið Atlético Madríd hefur gengið frá kaupum á framherjanum Alexander Sørloth frá Villarreal.
Norðmaðurinn, sem er 28 ára, skoraði 26 mörk fyrir Villarreal í öllum keppnum á síðustu leiktíð og þar á meðal 23 mörk í spænsku 1. deildinni.
Hann gerir fjögurra ára samning við Atlético. Sørloth á að leysa Álvaro Morata af hólmi en Morata yfirgaf félagið og gekk í raðir AC Milan á Ítalíu á dögunum.