Landsliðsmaðurinn Hákon Arnar Haraldsson og liðsfélagar hans í Lille eru komnir áfram í 4. umferð undankeppni Meistaradeildarinnar eftir jafntefli gegn Fenerbahce frá Tyrklandi, 1:1, í seinni leik liðanna í Tyrklandi í kvöld.
Lille vann fyrri leikinn 2:1 í Frakklandi og því einvígið 3:2. Lille mun mæta Union St. Gilloise frá Belgíu eða Slavia Prag frá Tékklandi í fjórðu umferð undankeppninnar en sigurvegarari þeirrar viðureignar fer beint í Meistaradeildina.
Hákon var á sínum stað í byrjunarliði Lille en heimamenn í Fenerbahce náðu forystunni með sjálfsmarki undir lok leiks og var því framlengt.
Hákon Arnar fór af velli á 98. mínútu en Jonathan David jafnaði metin fyrir Lille á 118. mínútu og tryggði franska liðinu áfram.
Hinn víðfrægi José Mourinho stýrir Fenerbahce.