Júlíus Magnússon og liðsfélagar hans í Fredrikstad unnu dramatískan sigur á botnliði Haugesund, 1:0, í norsku úrvalsdeildinni í fótbolta í Fredrikstad í dag.
Júlíus, sem er fyrirliði liðsins, var að vanda á sínum stað í byrjunarliði Fredrikstad og lék allan leikinn.
Anton Logi Lúðvíksson kom þá inn á 63. mínútu fyrir Haugesund.
Nýliðar Fredrikstad eru í fimmta sæti deildarinnar með 31 stig en Haugesund er í 16. og neðsta sæti með 17.