Enn einn bikar til Leverkusen

Bayer Leverkusen vann þýska ofurbikarinn eftir sigur gegn Stuttgart í vítakeppni á heimavelli Bayer Leverkusen í kvöld.  

Nígeríski framherjinn Victor Boniface kom Bayer Leverkusen yfir á 11. mínútu. Enzo Millot jafnaði metin fyrir Stuttgart aðeins fjórum mínútum síðar.  

Á 37. mínútu varð Leverkusen manni færri þegar Frakkinn Martin Terrier fékk rautt spjald fyrir ljóta tæklingu.  

Varamaðurinn Deniz Undav gaf Stuttgart forystu þegar hann skoraði eftir að hafa verið inn á í aðeins eina mínútu.  

Allt stefndi í sigur Stuttgart þar til á 88. Mínútu. Þá jafnaði Tékkinn Patrick Schick fyrir Leverkusen.  

Fleiri urðu mörkin ekki og þurfti því að fara í vítaspyrnukeppni. Þar bar Leverkusen sigur úr býtum, 4:3.  

Lukás Hrádecký, markvörður Leverkusen, varði vítaspyrnu Franz Krätzig og Silas Mvumpa skaut yfir úr sinni vítaspyrnu.  

Patrik Schick, Alejandro Grimaldo, Aleix Garcíaog Edmond Tapsoba skoruðu úr vítum Leverkusen.

• Blogga um frétt