Ísak skoraði í naumu tapi (myndskeið)

Ísak Andri Sigurgeirsson skoraði eina mark Norrköping í 2:1 tapi liðsins gegn Malmö í sænsku úrvalsdeildinni.  

Norrköping komst yfir með laglegu marki frá Ísaki Andra á 21. mínútu. Aðeins 9 mínútum síðar jafnaði Malmö metin með marki frá Anders Christiansen. Lasse Johnsen skoraði síðan sigurmark Malmö á 78. mínútu. 

Ísak Andri spilaði fyrstu 76 mínútur leiksins en landsliðsmaðurinn Arnór Ingvi Traustason spilaði allan leikinn.  

Norrköping situr í 11. sæti deildarinnar með 23 stig en Malmö er á toppnum með 44 stig.  

Hér fyrir neðan má sjá mark Ísaks Andra. 

• Blogga um frétt