Spánarmeistarar Real Madrid töpuðu stigum er liðið mætti Mallorca á útivelli í fyrstu umferð spænsku 1. deildarinnar í fótbolta í kvöld.
Leikurinn byrjaði vel fyrir Madridinga því Brasilíumaðurinn Rodrygo skoraði á 13. mínútu eftir stoðsendingu frá landa sínum Vinicius Junior.
Mallorca neitaði að gefast upp og Kósóvóinn Vedat Muriqi jafnaði á 53. mínútu og urðu mörkin ekki fleiri.
Vont varð síðan verra hjá Real því franski varnarmaðurinn Ferland Mendy fékk rautt spjald í uppbótartíma.