Albert Guðmundsson landsliðsmaður í fótbolta sat fyrir svörum blaðamanna er hann var kynntur til leiks hjá ítalska félaginu Fiorentina í dag. Albert gekk í raðir félagsins í síðustu viku.
Albert var ákærður fyrir kynferðisbrot í júlíbyrjun og hann var spurður út í málið á fundinum, en sóknarmaðurinn hefur ávallt neitað sök.
„Þetta verður tekið fyrir í september. Þetta mál hefur engin áhrif á mig. Það hefur verið í gangi í heilt ár og ég hef ekki leyft því að hafa áhrif.
Fjölskyldan og fótboltinn eru í fyrsta sæti. Ég er saklaus og ég fæ tækifæri til að sanna það,“ svaraði Albert.