Landsliðsmaðurinn Guðmundur Þórarinsson og liðsfélagar hans í Noah frá Armeníu eru í góðum málum eftir fyrri leikinn gegn Ruzomberok frá Slóvakíu í umspili um sæti í Sambandsdeildinni í fótbolta í Armeníu í dag.
Noah vann leikinn, 3:0, en liðið sem vinnur einvígið fer í Sambandsdeildina í haust.
Guðmundur lék allan leikinn fyrir Noah en þriðja mark liðsins kom undir blálok leiks og kemur Noah í frábæra stöðu.