Knattspyrnumarkvörðurinn Elías Rafn Ólafsson og liðsfélagar hans í danska meistaraliðinu Midtjylland gerðu jafntefli, 1:1, við Slovan Bratislava í umspili um sæti í riðlakeppni Meistaradeildar Evrópu í haust.
Elías varði mark Midtjylland en gestirnir frá Slóvakíu komust yfir á 59. mínútu.
Edward Chilufya jafnaði metin fyrir Midtjylland tuttugu mínútum síðar og þar við sat.
Sigurvegarinn fer í Meistaradeildina en tapliðið í Evrópudeildina.
Þá vann Sparta Prag frá Tékklandi sænska meistaraliðið Malmö, 2:0, í fyrri leik liðanna í Malmö í kvöld.
Daníel Tristan Guðjohnsen var ekki í leikmannahópi Malmö.