Leeds United gerði góða ferð til Sheffield og lagði heimamenn í Sheffield Wednesday að velli, 2:0, í þriðju umferð ensku B-deildarinnar í knattspyrnu karla í kvöld.
Með sigrinum fór Leeds upp í fjórða sæti þar sem liðið er með fimm stig eftir að hafa gert jafntefli í fyrstu tveimur leikjum tímabilsins.
Brenden Aaronson kom Leeds yfir á 24. mínútu eftir glæsilegt spil gestanna.
Í upphafi síðari hálfleiks tvöfaldaði Daniel James forystuna þegar hann slapp í gegn eftir laglega stungusendingu Mateo Joseph og vippaði boltanum snyrtilega í netið.