París SG vann gífurlega öruggan sigur á Montpellier, 6:0, í annarri umferð frönsku 1. deildarinnar í knattspyrnu karla í kvöld.
PSG er á toppi deildarinnar með sex stig og markatöluna 10:1. Montpellier er í 11. sæti með eitt stig.
Staðan var 2:0 í hálfleik eftir að Bradley Barcola og Marco Asensio skoruðu.
Í síðari hálfleik bætti Barcola við öðru marki sínu auk þess sem Achraf Hakimi, Warren Zaire-Emery og Lee Kang-In komust allir á blað.