Brasilíumaðurinn ungi Endrick skoraði þriðja mark Real Madrid í 3:0-sigri á Real Valladolid í efstu deild spænska fótboltans í höfuðborginni í dag.
Endrick, sem er 18 ára gamall, kom inn á fyrir Kylian Mbappé á 86. mínútu og tíu mínútum síðar skoraði hann þriðja mark Real.
Federico Valverde kom Real Madrid yfir á 50. mínútu leiksins og annað markið skoraði Brahim Diaz á 88. mínútu.
Real Madrid er með fjögur stig eftir fyrstu tvær umferðirnar.