Landsliðsfyrirliðinn Glódís Perla Viggósdóttir og liðskonur hennar í Bayern München höfðu betur gegn Sveindísi Jane Jónsdóttur og liðskonum í Wolfsburg, 1:0, í Meistarabikar Þýskalands í dag.
Liðin mættust í Dresden en Meistarabikarinn er á milli deildar- og bikarmeistara síðasta tímabils.
Glódís og Sveindís léku báðar allan leikinn en sigurmark Bæjara skoraði Klara Bühl á níundu mínútu leiksins.