Keir Starmer forsætisráðherra Bretlands er einn þeirra sem hefur birt færslu á X, áður Twitter, til að minnast Svens-Görans Erikssonar.
Sven-Göran er látinn 76 ára gamall eftir baráttu við ólæknandi krabbamein.
Hann átti langan og farsælan þjálfaraferil í knattspyrnu og stýrði enska landsliðinu frá árinu 2001 til 2006.
„Mikil sorg fylgir andláti Svens-Görans Erikssonar. Hans gríðarlega framlag til enska boltans vakti gleði hjá svo mörgum í gegnum árin.
Hugur okkar er hjá fjölskyldu hans,“ sagði forsætisráðherrann.