Pólverjinn Wojciech Szczesny hefur ákveðið að leggja markmannshanskana á hilluna eftir farsælan feril.
Szczesny lék meðal annars með knattspyrnuliðunum Arsenal og Juventus en hann lék 84 landsleiki fyrir Pólland.
Hann vann ellefu bikara á ferlinum.
Szczesny gekk í raðir Arsenal árið 2006 frá Legia Varsjá í heimalandinu, þá 16 ára gamall.
Hann lék 181 leik með Arsenal og vann tvo bikarmeistaratitla áður en hann gekk í raðir Roma árið 2015.
Hann fór frá Roma til Juventus tveimur árum síðar og lék 252 leiki fyrir félagið. Þá vann hann átta bikara með Juventus.
Sádiarabíska félagið Al-Nassr hafði boðið í Szczesny en hann ákvað frekar að leggja hanskana á hilluna.