Það er ekki alltaf dans á rósum hjá fjölskyldumeðlimum atvinnumanna í íþróttum. Danski knattspyrnumaðurinn Simon Kjær hefur verið atvinnumaður erlendis frá sumrinu 2008.
Faðir hans Jørn Kjær tjáði sig um soninn við TV Syd í heimalandinu.
„Við söknum hans rosalega því við höfum ekki hitt hann mikið í sextán ár. Við hittum varla barnabörnin okkar,“ sagði hann.
„Landsliðsskórnir eru komnir á hilluna og við sjáum hvort hann finni ekki nýtt félag bráðum,“ sagði hann.
Simon Kjær er sem stendur án félags en hann var síðast hjá AC Milan á Ítalíu þar sem hann lék frá 2020. Hann hefur einnig spilað með liðum á borð við Palermo, Wolfsburg, Lille og Sevilla.