Miðjumaðurinn Pierre-Emile Höjbjerg er nýr fyrirliði danska landsliðsins í fótbolta.
Lars Knudsen, sem er tímabundið þjálfari Danmerkur, staðfesti fregnirnar þegar hann tilkynnti landsliðshópinn fyrir leiki gegn Sviss og Serbíu í Þjóðadeildinni í næsta mánuði.
Simon Kjær, sem var fyrirliði landsliðsins til fjölda ára, hefur ákveðið að leggja landsliðsskóna á hilluna.
Reynsluboltarnir Christian Eriksen og Kasper Schmeichel verða áfram varafyrirliðar en Knudsen sagði við fréttamenn að það væri mikilvægt að velja fyrirliða sem ætti mikið eftir af landsliðsferil sínum.