Hollenski knattspyrnumaðurinn Wout Weghorst er á leiðinni til stórfélagsins Ajax í heimalandinu.
Miðlar þarlendis greina frá en Weghorst kemur frá Burnley.
Weghorst, sem er 32 ára gamall framherji, er afar vinsæll í Hollandi en hann hefur oft komið inn á og skorað mikilvæg mörk. Þá skoraði hann bæði mörk Hollands gegn Argentínu í átta liða úrslitum heimsmeistaramótsins í Katar í desember árið 2022.
Argentína fór að lokum áfram en það hafði ekki áhrif á vinsældir Weghorst.
Weghorst var á láni hjá Hoffenheim í Þýskalandi á síðustu leiktíð en hann lék með Manchester United fyrri hluta ársins 2023 og vann deildabikarinn.