Landsliðsmaðurinn Andri Lucas Guðjohnsen og liðsfélagar hans í Gent eru komnir í Sambandsdeild Evrópu í knattspyrnu.
Gent vann seinni leikinn gegn Partizan Belgrad, 1:0, á heimavelli sínum í Belgíu í dag. Gent vinnur þar með einvígið 2:0 og er komið í lokakeppni Sambandsdeildarinnar.
Andri Lucas var í byrjunarliði Gent en fór af velli í seinni hálfleik.
Íslands- og bikarmeistarar Víkings eru í frábærri stöðu, 5:0-yfir, fyrir seinni leikinn gegn UE Santa Coloma frá Andorra í Andorra annað kvöld og eru að öllum líkindum á leið í Sambandsdeildina.