Landsliðsmaðurinn Jóhann Berg Guðmundsson og liðsfélagar hans í Al-Orobah máttu þola tap, 2:1, fyrir Al-Wehda í 2. umferð sádiarabísku deildarinnar í fótbolta í kvöld.
Liðin mættust á heimavelli Al-Wehda en Jóhann Berg, sem er nýkominn til félagsins, lagði upp jöfnunarmark Al-Orobah.
Hann var síðan tekinn af velli á 86. mínútu en eftir það skoraði Al-Wehda sigurmarkið.
Al-Orobah er án stiga eftir fyrstu tvo leikina í þriðja neðsta sæti deildarinnar.