Hákon Arnar í Meistaradeildina – grátlegt tap Elíasar
Setja bókamerki
Landsliðsmaðurinn Hákon Arnar Haraldsson og liðsfélagar hans í Lille er komnir í Meistaradeildina í knattspyrnu þrátt fyrir tap gegn Slavia Prag, 2:1, í Tékklandi í kvöld.
Lille vann fyrri leikinn, 2:0, og fer því samanlagt áfram, 3:2.
Hákon Arnar var á sínum stað í byrjunarliði Lille en hann fór af vell undir lok leiks.
Lille verður þar með í pottinum á morgun þegar að dregið verður í deildarkeppni Meistaradeildarinnar.
Grátlegt tap markvarðarins
Midtjylland þarf að sætta sig við sæti í Evrópudeildinni eftir grátlegt tap fyrir Slovan Bratislava, 3:2, í Slóvakíu í kvöld.
Fyrri leiknum lauk 1:1 og fer Slovan Bratislava því 4:3 áfram.
Midtyjylland var 2:1-yfir á 82. mínútu en þá jafnaði slóvakíska liðið metin. Fjórum mínútum síðar skoraði Armeníumaðurinn Tigran Barseghyan sigurmark Slovan Bratislava.
Elías Rafn Ólafsson varði mark Midtjylland í leiknum.
Vikið úr stjórn eftir banaslysið á jöklinum
Aldrei um neitt annað að ræða en að klára verkið
Sigmundur: „Það er ekki að fara að gerast“
Gosmóða víða um land og hraun „bunkast upp“
Bjóða í jarðir til að kolefnisjafna
Alvarleg staða og erfið hjá kennurum
Þurfa að gera hlé á mannúðarstörfum