Úrúgvæski knattspyrnumaðurinn Darwin Núnez er á leiðinni í fimm leikja bann með landsliði sínu fyrir atvik sem átti sér stað á Copa America, Ameríkubikarnum, í sumar.
Í undanúrslitum Ameríkubikarsins mætti Úrúgvæ Kólumbíu en eftir leik lenti hann í rifrildi við stuðningsmenn Kólumbíu. Kólumbía vann leikinn, 1:0, en tapaði fyrir Argentínu í úrslitaleiknum.
Núnez fór ásamt öðrum leikmönnum Úrúgvæ upp í stúku til að verja fjölskyldur sínar frá slagsmálum stuðningsmanna.
Núnez reyndi hins vegar að kýla stuðningsmann en liðsfélagarnir náðu að halda í hann.
Þá fer Rodrigo Bentancur miðjumaður Tottenham í fjögurra leikja bann.