Danska knattspyrnufélagið FC Köbenhavn hefur sent frá sér yfirlýsingu í tengslum við íslenska landsliðsframherjann Orra Stein Óskarsson.
Orri Steinn er afar eftirsóttur en hann hefur meðal annars verið orðaður við Englandsmeistara Manchester City.
Þá hafa lið á Spáni einnig augastað með Orra en FC Köbenhavn sendi það frá sér að spænskt félag hafi boðið í Orra Stein.
Samkvæmt danska miðlinum Bold flaug Jokin Aperribay, forseti spænska félagsins Real Sociedad, til Kaupmannahafnar á dögunum og átti þar fund með forráðamönnum Köbenhavn.