Færeyska knattspyrnuliðið KÍ Klaksvík verður ekki með í Sambandsdeild Evrópu í knattspyrnu karla í haust eftir grátlegt tap fyrir HJK Helsinki, 2:1, í Helsinki í Finnlandi í kvöld.
HJK fer í Sambandsdeildina eftir samanlagðan sigur, 4:3, en fyrri leiknum lauk með jafntefli, 2:2, í Færeyjum.
Aðalkall Klaksvíkurliðsins Árni Frederiksberg kom Færeyingunum yfir á 57. mínútu leiksins en stuttu síðar fékk Cédric Yambéré rautt spjald í liði Klaksvíkur.
Á 90. mínútu jafnaði Diogo Tomas metin fyrir HJK og aðeins þremur mínútum síðar skoraði Lee Erwin sigurmarkið, 2:1.
Klaksvík sló í gegn í fyrra og komst fyrst færeyska liða í lokakeppni á einni af þremur Evrópudeildunum.